ʻO le Faʻaliliutusi (poʻo le faʻamatalaʻupu foʻi) e lē ʻo se mea faigōfie. E aofia i le faʻaliliutusi vāega tāua e pei o gagana e lua e tutusa o lā mālolosi, loloto ma le poto lautele, ʻaemaise lava le silafia loloto o tū ma aga a lalolagi o gagana ia e lua. ʻO le vāega lea mulimuli o aganuʻu poʻo tū ma aga, e tele faʻafītāuli e tūlaʻi mai ai. ʻAe ʻo le isi foʻi itū, ʻo tagata e mālolosi ʻuma a lātou gagana e lua faʻapēnā foʻi lo lātou lelei i tū ma aga poʻo aganuʻu foʻi a gagana ia e lua, ʻo latou nei e mafai ona faʻaliliu mai i le isi gagana i le isi gagana e aunoa ma ni faʻafītāuli e tele. ʻAe ui lava i lea, e faʻamālosiʻau atu ʻina ʻia ʻaua le fefe, ʻae taumafai, ʻae ʻo le mea tāua, tusa lava pē lelei i gagana e lua, ʻina ʻia taumulimuli i ni alafua aogā e ʻāmata ai. Muamua,ʻo se tasi e fia faʻaliliu mai i le gagana Samoa i le gagana ʻIgilisi, e tatau lava ona lelei lana gagana faʻaperetānia poʻo le ʻIgilisi; lona lua, e tatau ona iai ni ana tusi poʻo ni alagāʻoa lelei silisili e tua ʻi ai ʻauā le saʻiliga o faʻamālamalamaga o konisepi poʻo manatu poʻo talitonuga faʻavae,faʻaʻupuga mmf (ma isi mea faʻapēnā) e manaʻomia lo latou faʻamālamalamaina. ʻUa naʻo ni vāega ʻāmata nei o le tomai poʻo gāluega faʻaliliutusi............
O Manono o le motu i Sāmoa e tu i le va o Upolu ma Savai'i. E 889 tagata e nonofo i Manono. A fa'apea e fia malaga i Manono, e o tagata i va'a laiti mai Mulifanua. Na faiina le malo se fasotaiga tau telefoni i Manono ma eletise 24 tula o le vaiaso.
'O le Iunivesitē Aoao o Sāmoa, e tū i le 'Papaigalagala' i Vaivase, Apia i Sāmoa. E to'atele tupulaga mai le Pasefika 'ua ā'o'oga ai i lenei Iunivesite. Na fa'atūina lenei Iunivesite i lalo o le pūlega fa'apalemia a le afioga ia Tofilau Eti Alesana. 'O se tōfā loloto lea na fa'ataunu'uina ai lenei fa'amoemoe, ma tula'i mai ai se Iunivesite a Samoa lava ia.
'O le 'Inisinia 'o se tagata atamai i mea tau tekonolosi e fau ai masini po'o fausaga tetele e pei o alalaupapa, ala tetele fa'apea ma vāega 'ese'ese o le soifua e mana'omia ai se masini po'o se meafaitino e fesoasoani ai i le fa'afaigofie o le olaga o le tagata.
'O le Lakapī 'o se ta'aloga e fiafia tele i ai tagata Sāmoa. 'O lenei ta'aloga, 'ua 'avea ma ta'aloga e naunau 'i ai ma to'a'aga 'i ai tupulaga tama i Sāmoa. 'O le isi mea e sili ona tāua, 'ua ta'uta'ua ai fo'i le atunu'u o Sāmoa 'ona 'o lana 'aulakapī e fa'aigoa o le Manu Sāmoa.
Faʻatomuaga
ʻO lenei nofoaga ʻua faʻatautaia mo tagata e tautatala i le Gagana SāmoaWikipedia poʻo tagata foʻi ʻoloʻo fia aʻoaʻoina le gagana Sāmoa.
ʻAfai e loloto lou mālamalama i le Gagana Sāmoa, e mafai lava ona ʻe suia isi ʻupu ma feasoasoani i le faʻaʻupuina ma le teuteuga o matāʻupu e faʻatalanoaina i totonu o lenei nofoaga poʻo le potu.
Mo se faʻamatalaga i le faʻatinoina o le Wikipedia,poʻo le poroketi Wikipedia vaʻai le nofoaga poʻo le potu www.wikipedia.org
Faʻamolemole vaʻai ʻupu lanumūmū, ʻoloʻo manaʻomia ai lau fesoasoani mo sau faʻamatalaga (poʻo se faʻaliliuga foʻi) o nei matāʻupu.
