Suʻega sitiseni Ausetalia

Fuʻa o Ausetalia

Faʻailoga o Ausetalia (Commonwealth)

O le Suʻega sitsiseni o Ausetalia (Igilisi: Australian citizenship test) o le suʻega e fuafua pe ausia e tagata manaoga faʻavae a le atunuʻu. Naʻo tagata nofomau ma ua apalai mo le sitiseni e mafai ona auai i lea suʻega. Sa faʻavaeina le sue'ga i le 2007, e fuafua iai le malamalama o tagata i mea e faʻatatau i Ausetalia.

Foliga o le suʻega

O le suʻega e faʻaoga le komepiuta, ma o loʻo i ai ni fesili e 20. E saunia ia fesili mai se lisi faʻalilolilo e 200. Naʻo le gagana Igilisi (faʻaperetania) e tusia ai lea suʻega. E 45 minute e avatu mo le taliaina o fesili. E tatau ona faʻataunuʻu mea nei ina ia pasia le suʻega:

• tali fesili e 20
• tali saʻo fesili e 5 e faʻatatau i le mataʻupu "Australian values"
• ausia le 75% agaʻi i luga

O mataʻupu a le suʻega o loʻo i totonu o le tusi "Our common bond", e lomia mai le ofisa o le "Department of Immigration and Citizenship (DIAC)".

E faʻasolo se taimi faʻapitoa e le "DIAC" mo le suʻega. E leʻo manino taimi faʻatalitali mo le faʻatinoina o le suʻega. I le aʻai o Sini, e masani ona faʻatali tagata mo le 4 masina agaʻi i luga i latou taimi. I isi pitonuʻu, e vave atu lea taimi faʻatali.

Fesili ma tali

O faʻataʻitaʻiga a fesili ua tusia i le pakalafa lenei. E ui ua faʻasamoa fesili ia, o le suʻega e faʻaperetania:

• O le fea o nei mea e fai ma matafaioi mo tagatanuʻu uma o Ausetalia? (Tutufaʻatasi ma tagata nuʻumoni a Ausetalia e puipuia tu ma aga faʻaausetalia, pe a manaʻomia)
• O le fea o nei tulaga taua e taua i Ausetalia nei? (E tofu tagata uma ma avanoa tutusa mo alatou aia tatau)
• O le a le fugalaʻau e patino ia Ausetalia? (O le "Golden wattle")
• O le a le Tulafono e taʻua o le "Pili"? (O se tulafono ua fuafuaina e leʻi pasia e le Palemene - a le o le "Commonwealth" poʻo le "State Parliament")
• O le a le tausaga na faia ai le Feterale? (1901)
• O le a le aso o le tausaga e taʻua o le Aso Ausetalia? (26 Ianuari)
• O le a le laina muamua o le viʻi a le atunuu? ("Ausetalia uma ia tatou olioli" (Igilisi: "Australians all let us rejoice"))
• O le a le faitau aofaʻi o Ausetalia? (pe tusa ma le 26 miliona)
• O le a le taulaga o loʻo i ai le Maota o le Palemene o Taupulega? (Kanepera (Igilisi: "Canberra"))
• O ai le sui o le Tupu i Ausetalia? (le Kovana Sili o Ausetalia (Igilisi: "Governor-General of Australia"))
• E faapefea ona filifilia Sui Usufono o le Palemene? (e ala i le palota)
• O ai e fai ma sui o le Palemene? (tagata faʻaitumalo)
• A uma le palota a le Feterale, o ai e faia le faigamalo fou? (le pati poʻo le soʻofaʻatasi o pati e manumalo i le tele o nofoa i le Maota o Sui)
• O a lanu o le fuʻa a Ausetalia? (lanu moana, lanu paʻepaʻe, ma le lanu mumu)
• O ai le faʻauluʻuluga o le Malo o Ausetalia? (le Palemia)
• O a tulaga e tolu o le malo i Ausetalia? (Commonwealth (Feterale), Setete poʻo Teritori, ma le lotoifale)
• O le a le tausaga na amata ai le nofoia o Europa i Ausetalia? (1788)
• O le tautua i le au faʻamasino (pe a manaʻomia) o se matafaioi o le sitiseni Ausetalia: Saʻo pe Sese? (Saʻo)
• I Ausetalia, e saʻoloto tagata uma e fai le tapuaʻiga latou te filifilia, pe leai foʻi se tapuaʻiga: Saʻo pe Sese? (Saʻo)
• Ina ia filifilia i le Palemene o le Taupulega e tatau ona avea oe ma tagatanuu Ausetalia: Saʻo pe Sese? (Saʻo)
• Peʻa fai o oe o se sitiseni Ausetalia, e iai laʻu aiā tatau e lesitala ai laʻu pepe na fanau mai i fafo e avea ma sitiseni Ausetalia: Saʻo pe Sese? (Saʻo)
• O sitiseni Ausetalia e 18 tausaga pe sili atu e manaʻomia ona lesitala i le resitala o faiga palota: Saʻo pe Sese? (moni)
• O le a se mea tatou te manatua i le Aso Anzac? (O le tulaueleele o le Autau a Ausetalia ma Niu Sila i le pitonuʻu o "Gallipoli", Tukie)
• O a lanu o le Fuʻa Aboriginal Ausetalia? (lanu uliuli, lamu mumu, ma le lanu samasama)
• O le a le faʻailoga aloaʻia a Ausetalia e iloa ai meatotino a le Commonwealth? (Faʻailoga a le Malo Tele (Igilisi: Commonwealth Coat of Arms))
• O fea o nei faʻamatalaga e uiga i faiga malo a Ausetalia e saʻo? (O le malo e filifilia e tagata)
• O fea o nei faʻataʻitaʻiga o le saʻolotoga e tautala ai? (E mafai e tagata ona teteʻe filemu i faʻaiuga a le malo)
• O fea o nei faʻamatalaga e uiga i le malo i Ausetalia e saʻo? (O le Malo i Ausetalia e faʻalelalolagi)
• O le fea o nei faʻataʻitaʻiga e tutusa la aia i Ausetalia? (E tutusa aia tatau a aliʻi ma tamaʻitaʻi)
• O le fea o nei matafaioi o tagatanuu Ausetalia e 18 tausaga pe sili atu? (palota i faiga palota)
• O le fea o nei matafaioi o tagatanuu Ausetalia e 18 tausaga pe sili atu? (tautua i le au faʻatonu pe a valaaʻuina)
• O fea o nei faʻamatalaga e uiga i tusi folau e saʻo? (E mafai e tagatanuu Ausetalia ona talosaga mo se tusifolau Ausetalia)
• O le fea o nei matafaioi o le Kovana Sili? (O le sainia o pili na pasia e le Palemene a Ausetalia e ala i le "Royal Assent")
• O fea o nei faʻamatalaga e uiga i faigamalo a le setete e saʻo? (E tofu setete ma latou faʻavae)
• O le a le igoa ua faʻaigoa ai le le pati poʻo le soʻofaʻatasi o pati o vaega e lona lua le numera o sui usufono i totonu o le Maota o Sui? (O le Itu Agai (Igisili: The Opposition))
• O le a le igoa o se talosaga e fai ai se tulafono i le palemene? (Pili)
• O ai e tausia le filemu ma le nofo lelei i Ausetalia? (Leoleo)
• E toafia sui o le Maota o Sui "House of Representatives"? (151)
• O le malosiaga o le malo o Ausetalia e sau mai? (Le Kovana Sili (Igilisi: Governor General))
• O le a le uiga o le faʻaupuga "Mateship" i le aganuu a Ausetalia? ("Mateship" e faʻasino i se soʻotaga malosi o faʻauoga, lagolago, ma le lotogatasi i tagata Ausetalia.)
• O ai le ao o le Malo? (Le Tupu, Charles III)

Soʻoga i fafo

• Australian Citizenship: Our Common Bond – Home Affairs preparation resource for citizenship test - Upegatafaʻilagi mo le tusi mai le DIAC (Igilisi).
• Citizenship Test – Upegatafaʻilagi mo le suʻega (Igilisi).