Taua Lona Tasi a le Lalolagi

Taua Lona Tasi a le Lalolagi (WWI)
	Mai luga i lalo, agavale i le taumatau: Osofa'ina o Farani i le Taua o Verdun, 1916; O'ofu ufimata kasa e fitafita faga ta'avili o Siamani, 1918; Savaliga o Italia i luga o se mauga kiona, 1917; Malaga o Tane Tau a Farani ma fitafita o Amerika, 1918; Gasolo fitafita fa'akamela o Otomani, 1916; i'uga o le Vaga'ia o Przemysl, 1915;
Date	28 Iulai 1914 – 11 Novema 1918; (4 tausaga, 3 masina and 14 aso)
Location	Europa; Asia; Aferika; Pasefika; Atalani;
Result	Manumalo le Au So'ofa'atasi
Territorial; changes	Vaevaeina o Otomani, Fa'amavaeina a Auselia ma Hungary, Vaevaeina a Kolone o Siamani; Fa'avaeina o Atunu'u fou i Europa ma Asia: Polani, Iukosalavia, Repapelika o Siamani, Rusia Soviete, Lituania, Esetonia, Latavia, Auselia, Hungary, Sekisolovakia, Tukie, Hejez, Iemeni;
Vaega o Auauna
Au So'ofa'atasi: France; United Kingdom; ma le Emepaea: Australia ; Kanata ; Ceylon ; Egypt ; Newfoundland ; New Zealand ; India ; South Africa; Rusia; Italy (mai le 1915); United States (mai le 1917); Japan;	Au Tutotonu: Germany; Austria-Hungary; Ottoman Empire; Bulgaria (mai le 1915);
Tagata maliu ma tigaina
Fitafita sa maliu:; Over 5,525,000; Tagata lautele sa maliu:; Over 4,000,000; Tagata uma sa maliu:; Over 9,000,000;	Fitafita sa maliu:; Over 4,386,000; Tagata lautele sa maliu:; Over 3,700,000; Tagata uma sa maliu:; Over 8,000,000;

O le Taua Lona Tasi a le Lalolagi (Igilisi: First World War, World War I, Great War, WWI) o se taua tele na a'afia ai le lalolagi mai le 28 Iulai 1914, se'ia o'o i le 11 Novema 1918. O lea taua sa tupu i le va o le Au So'ofa'atasi (Igilisi: Allied Powers) ma le Au Tutonu (Igilisi: Central Powers). O le to'atele o fetauia'ina sa tupu i Europa, ae sa lavea fo'i nisi pitonu'u a le lalolagi. E manatua lea taua i le saua o faiga tau, fa'avaeina o uupega malosi, ma le fasioti tagata. E tusa ma le 10 miliona fitafita sa maliu, fa'aopoopo ma le 10 miliona tagata lautele.

O mafuaaga a le WWI e aofia ai le malosi o Siamani ma le vaivai o Otomani, o ia mea sa fa'alavelave ai le paleni o atunu'u tele. O lesi mafuaaga o le tauvaga i faiga tupe o lena malosia i alamanuia ma le fa'akoloneina o le lalolagi. O vavesi ia sa i'u i le taua, talu ai le fasioti o le ta'ita'i o Auselia e le tagata mai Serbia. Sa tu'ua'i e Auselia lea atunu'u ma folafola le amata o taua i le 28 Iulai 1914. E le'i umi ae fa'agaoi feagaiga o isi atunu'u ma fa'avaeina le Au So'ofa'atasi ma le Au Tutotonu.

O fuafuaga a ia autau o le fa'ataunu'uina vave le faiaina o lesi auauna. Ae sa taofi osofa'ina i le Setema 1914. Mai lea taimi sa tumau laina o tau i totonu o Europa. Sa taumafai e vaega ia e una'i i luma latou fitafita, ae leai se aoga. I le 1915 sa auai Italia, Bulgaria, Romania, Eleni, ma isi atunu'u.

I le Aperila 1917, sa auai Amerika i le itu o le Au So'ofa'atasi, talu ai fa'apapomuina o latou va'a lautele e Siamani. I le Oketopa sa fouvale tagata a Rusia ma ave'eseina le latou malo, ona fa'afilemuina le latou va ma le Au Tutotonu i le Mati 1918. I le na masina sa taumafai se osofa'ina tele o Siamani, ae na lelava ma vaivai latou fitafita. I le Aukuso sa malepeina le laina o le Au Tutotonu. Sa fouvale fo'i tagata o Siamani ma to'ilalo ai le Kaisa i le 9 Novema. Sa taofi faiga o taua i le 11 Novema.

Mai le 1919-1920 sa faia fono tetele mo le fa'afilemuina o le Taua. Sa tu'uina fa'asala malosi mo le Au Tutotonu, aemaise Siamani, o lena vavaeina ona fenua, fa'atapula'a ona fitafita, ma tu'uina le sala tupe tele. O fono ia sa vavaeina fo'i atunu'u fou e pei o Polani, Finelani, Sekisolovakia ma Iukosalavia. I le i'una o ia fonotaga sa fausia le Fono a Atunu'u (Igilisi: League of Nations) e puipui ai le filemu. Sa vaivai lea kulupu e taofi malosiaga o Siamani, ma i'u ai i le Taua Lona Lua a le Lalolagi (WWII).