Āʻoga ʻĀmata

ʻO Āʻoga ʻĀmata, ʻo āʻoga a tamaiti lāiti. ʻO tamaiti nei e i lalo ifo o le lima tausaga le mātutua. ʻO le uluaʻi āʻoga ʻāmata lava na faʻatuina i Niu Sila, na faʻavae lea e se faletua o se faifeʻau o le lotu EFKS i Newtown i Ueligitone. ʻO le faletua ia Fereni Ete na ʻāmataina nei āʻoga i le tausaga e 1985. E ʻese le tāua o lenei matātiʻa na faʻatūina e lea foʻi tinā alofa ma le naunau ia manuia āʻoga ʻaemaise o le gagana Sāmoa ʻia faʻatāuaina i ʻāiga ʻae faʻapea foʻi Niu Sila. ʻO le tausaga foʻi lea sa iai se centre e taʻua o le Wellington Multicultural Educational Resources Centre i Ueligitone sa fesoasoani i le unaʻiina o lenei atinaʻe faʻatasi na Fereni ma nisi i le gālulue i le faʻatuina o lenei āʻoga tāua.

O lenei aʻoga na faatuina i lalo ifo o le finagalo aufaatasi o le Ekalesia Faapotopotoga Kerisiano o Samoa ina ua maeʻa ona faaulufaleina le falesa i le aso 20 o Oketopa 1984 O se galuega na mafai ona faataunuuina ona o le finagalo malilie o le ekalesia i lalo o le taʻitaʻiina a le faletua o le toeaina Fereni Ete. Atoa ma le lagolago a le Susuga i le toeaina ma le ekalesia. E le mafai ona faatuina lenei aʻoga pe ana le seanoa mea totino a le ekalesia. O le lagolago foi a Tina matutua ma tina talavou o e na latou fiafia e lagolagoina lenei taumafai na faigofie ai mea uma. O le mea moni e soʻo se aʻoga lava e faatuina i lalo o le igoa o le ekalesia, e le mafai lava ona le manuia. O le tele o fanau a lenei ekalesia ua i ai nei i galuega maualuluga ma ua maua tikeri mai univesite o i latou uma lava ia na iu mai i lenei aʻoga. e.g. O le tamaitai o Moana Ete (Bachelor of Performing Art) Victor Vito (All blacks) Pisila Tugaga (B.A. in Marketing & Accounting) Salote Finaʻi (B.A) etc. Lesilaina McCarthy. Fulisia McCart(B.A)ma le toatele o fanau ua le mafai ona manatua i latou i lenei taimi, na ui uma atu i totonu o le aʻoga amata.

Duplicate article

Āʻoga ʻĀmata – ʻo le igoa lenei e faʻaigoa ai āʻoga ʻāmata poʻo āʻoga mo tamaiti e leʻi ʻāmataina a latou āʻoga tūlagalua (primary school). ʻUa tele āʻoga ʻāmata ʻua faʻatūina i Niu Sila. ʻO nei āʻoga, ʻo se vāega tāua tele lea mo le faʻaolaolaina o le gagana Samoa i Aotearoa / Niu Sila. ʻO le tele o āʻoga ʻāmata, ʻua faʻavaeina e ʻekālēsia Samoa i totonu o Niu Sila.