Taua o Kalatia
Le Taua o Kalatia (Igilisi: Gallic Wars; Latina: Bellum Gallicum) o se fete'enaiga sa tupu i le va o Roma ma tagata Kalatia mai le 58-50 BC. I le taua lea, sa taumafai e ituaiga o Kalatia, Siamani, ma Peretania, e puipui le latou ituaiga mai le oso'faina mata'utia o Roma. Sa umatia le taua i le Taua o Alesia (52 BC), talu ai le faia'ina mautu o le Autau Iunite o Kalatia. Sa tutusa lava le malosi o Autau Iunite o Kalatia ma Temoni o Roma, a o misana i le va o ituaiga Kalatia sa faigata ai le tumauina o se Au tumau. Sa taumafai e le Matai o "Vercingetorix" e so'ofa'atasi nu'u o Kalatia, ae na tuai. Sa finau le ta'ita'i o le Temoni, Iulio Kaisara, sa tatau ona osofa'i Kalatia ia puipui ai Roma ma latou paga. Ae peita'i, e faimai tusitala talafaasolopito sa fa'aoga e Kaisara le Taua e fa'ateleina lona tama'oaiga, totogi ana aitalafu, ma fa'amaualuga lana tulaga fa'apolokiki. I le fa'aiuga o le Taua lea, sa fa'alauteleina e Kaisara le tua'oi a Roma i se eria i le lautele o Farani.