Taua o Dunkirk
.jpg)
O le Taua o Dunkirk, o se taua na tupu i le taimi o le Taua lona Lua a le Lalolagi (WW2) mai le aso 26 Me agai i le 4 Iuni 1940. Sa molia lenei osofaiga e le autau a Nasi Siamani, agai i le autau a le Au Soofaatasi (Allies) o lo'o sauni e sosola mai i le Uafu of Dunkirk. Talu ai faiaina tetele a le Au Soofaatasi, na saunia le aveeseina o fitafita mai le Konetineta o Europa.
E le'i tele ni fetauaina a Militeli i le pitonu'u lea mai le 1939, ae na suia lea tuluga i le 10 Me 1940, talu ai le osofaiga o autau a Siamani i le itu i sisifo. Sa fesifiai e le Allies a latou au agai ia Netalagi, ina ia taofi ai le alualu i luma o Siamani. O fuafuaga a le Autau Soofaatasi sa faalagolago i le laina o puipuina e ta'u o le "Maginot Line". O le laina lea na fa'asolo mai Farani i matu agai ile itu i sasae. Sa faaleagaina le fuafuaga lea talu ai le saoasaoa o gaioiga a Siamani. I le taimi na o'o ai le Allies i Netalagi, ae toetiti fo'i taunuu ia Siamani i saute i le atunuu. Ma sa liliu ailoa isi kulupu a le Allies i le itu i sasae. I le 14 Me, sa oso faafuasei lesi Autau a Siamani mai se va i le itu i sasae a le laina puipuia. Na muamua ona oso le kulupu lea i le itu i sisifo o Farani, ona latou toe liliu ai lea i le itu i matu. Sa taumafai e le Autau Soofaatasi ona taofi le kulupu fou lea, ae na vave tele le latou minoi. I le 20 Me, na o'o ai le kulupu i le alavai o Farani, ma fa'avaevaeina ia Autau o le Allies. O i na, na toe liliu ai le kulupu i le itu i matu, ma fa'amata'u e fa'aumatia ia lesi vaega o le Allies.
I se mea o loo finau ai pea tusitala talafaasolopito, sa fa'atonuina e taitai o Siamani le taofiina o Autau o lo'o o'o agai i Dunkirk. O le fa'atonuga lea, sa tumau mo le 3 aso mai le 24 Me. Sa fa'aaoga e le Allies le taimi lea e sauni ai le puipuina ma fuafuaga o le aveeseina. E ova ma le 330,000 fitafita a le autau na sefe mai Dunkirk. Ae na maliu se tasi o le 16,000 Farani ma le 1,000 Peretania mai le puipuina o le Uafu.