Tailani

Tailani.

Fu'a o Tailani

O Tailani, po'o le Ripapelika o Saina (ROC) o se atunuu o motu o lo'o i le pasefika ma auai foi i le konetineta o Asia. O le motu tele a Tailani e taoto i le Vasa Pasefika, i talaane o le Malo Tele o Saina (PRC) i matu i sisifo, Iapani i le itu i matu sasa'e, ma Filipaina i le itu i saute. E 168 le aofai o motu i totonu o le atunuu lea, e aofia ai se vaega 35,980 km² (13,892 mi²). O le toatele o tagata e nonofo i le itu i sasae o le motu tele, talu ai mauga o loo ufitia ai le ogatotonu o le motu. O le Laumua o Tailani, Taipei, o le aai tele o le atunuu, e nonofo ai le 2,502,093 tagata.

Ua ova ma le 6,000 tausaga talu ona nofomau ai tagata Apoliki a Tailani. I le senituri 17 AD, na amata ai sifiaga a tagata Saina talu ai le faatuina o se Kolone o Netalani i totonu o le pitonuu. Na fa'aopopo e le Emepaea o Saina le Motu i le tausaga 1683, ma pulea ai seia oo i le 1895, talu ai le osofaiga o le Emepaea o Iapani.

Ina ua uma ona faatoilaloina Iapani i le Taua Lona Lua a le Lalolagi (WW2), na toe maua e Saina Tailani. Ae taluai le taua fa'alemalo na sa tupu i Saina i le taimi na, e lei taua le pulega o le Motu. I le 1949, na sosola ai le Malo o Saina ia Tailani, ina ua faiaina ai latou. O i na na fa'atu ai le Malo a Tailani o loo tu ai i le taimi nei, faapena foi le Malo Tele o Saina.

I le ogatotonu o le seneturi 20, na maua ai e Tailani le saoasaoa o le tamaoaiga e ta'u e tagata o le "Taiwan Miracle", po'o le Vavega mo Tailani. I le va o le 1980 i le 2000, na suia ai le ROC mai se malo e tasi le pati, i le temokalasi faatasi ai ma se peresitene e filifilia mai palota e amata i le 1996.