Savaiʻi

Savaiʻi

Taulaga	Salelologa

Samoa

O Savaiʻi o le motu pito telē lea o Sāmoa. O le isi igoa o lenei motu mai i aso anamua, o Salafai. E 43,103 (2006) le aofaʻi o tagata e nonofo i Savaiʻi, ae e 180,741 (2006) le aofai o tagata e nonofo i totonu o Sāmoa atoa. O Savaiʻi o le motu pito tele i Polenisia i fafo o Hawaiʻi ma Niusila. O le motu na foaina mai volekano.

O Salelologa le taulaga pito tele i le itu sasaʻe o le motu. O Salelologa foʻi e tu ai le uafu tele. E lua foʻi malae vaʻalele i le motu atoa, e tū le isi i Maota, e 10 minute i saute o Salelologa, ʻae ʻo le isi e tū i Asau i le itu sisifo. E tele faifaʻatoaga e aumai mai Savaiʻi. O le nuʻu o Tuasivi e tu ai ofisa a le Malo.

ʻO Savaiʻi ʻo le motu moni o le ōlaga faigatā o Sāmoa.

E tele o tagata e nonofo i nuʻu e latalata i le sami. E iai le aula ta tele o le Malo, e taʻamilo i le motu, e oʻo uma i tamaʻi nuʻu.

Na amata le lotu Kerisiano i Samoa i le tausaga e 1830. O le tausaga lea na taunuʻu ai le misionare John Williams i Sapapaliʻi. O le taimi foʻi lea na amata ai i Samoa le galuega a le Sosaiete a Misionare o Lonetona (L.M.S.).

Itūmālō

E 11 itumalo i Samoa, e 6 itumalo i Savaiʻi ma le 5 i Upolu ma tamaʻi motu.

• Savaiʻi

1. Faʻasaleleaga (Safotulafai)

2. Gagaʻemauga (Saleaula)¹

3. Gagaʻifomauga (Safotu)

4. Vaisigano (Asau)

5. Satupaʻitea (Satupaʻitea)

6. Palauli (Vailoa)

¹ ma nuʻu e lua i Upolu o Salamumu ma Leauvaʻa

Itūmālō o Samoa