Masina

O le Masina (Igilisi: Moon; Roma: Luna; Eleni: Selene; faʻailoga: ) o se Paneta laʻititi o loʻo taʻamilo i le Lalolagi. O le Kalave a le Masina (ae maise foʻi le La) e mafua ai suiga o le tai.

O le mamafa a le Masina e tusa ma le 1.2% a le Lalolagi, ma e oʻo lona lautele i le 3,474 km (1/4 a le lalolagi). I totonu o le Taʻamiloga a Paneta, e pitoisili ona mafafa le Masina i le va o isi masina a Paneta. E vaivai le Kalave i luga a le masina, e tusa ma le 1/6 a le lalolagi (poʻo le 1/2 a le Paneta Maresa). E ogeoge lona tino ma siʻosiʻomaga, ma leai foʻi se fosi maneta. E leʻo mautinoa ia Sainitisi pe faʻapefea ona tupua le Masina, aʻo latou manatu malosi e faimai sa fetoʻai le lalolagi ma se paneta i taimi anamua.

O le tino a le Masina o loʻo ufiufi i se pefu mafiafia. E aofia lona faʻafanua i mauga tetele, maugamu ua pepe, ma maʻilaga mataʻutia. E malamalama le Masina mai le aʻasa o le La, ae e masani ona poloka e le Lalolagi se vaega o lea malamalama, ma mafua ai suiga o le foliga a le Masina.

O le Masina e taua i le aganuʻu o tagata, talu ai lona faʻaogaina i vaega o Saienisi, talatuʻu, tapuaina o lotu, faʻatufugaga, ma malaga faʻavateatea. Sa muamua ona malaga ia Masini Saienitisi i le 1959, sosoʻo ai ma le tulauʻeleʻele lona 1 i le 1966. Sa taunuʻu tagata i luga o le Masina i le 1969, ma sosoʻo ai ni misiona e 5 seʻia oʻo i le 1972. I aso lenei, e suʻesuʻea le Masina e Masini Saienitisi, ma iai foʻi fuafuaga e toe foʻi ai tagata i se vaitaimi o le 2030s.