Fa'aperetania

From Wikipedia
Jump to: Ulifolau, Su'e
EN (ISO 639-1)
Anglospeak(800px).png

'Ua salalau lenei gagana i le lalolagi atoa. 'O lenei fo'i gagana, 'ua 'avea ma gagana lona lua a le tele o tagata 'o le vasa Pasefika, e pei 'o Samoa. E iai le manatu, 'o le gagana fa'aperetania, 'ua matuā talitonu i ai le tele o tagata Samoa e fa'apea 'o le gagana e maua ai le atamai ma le poto. 'E talitonu fo'i nisi o i latou, 'e lē aoga la latou gagana. E lē sa'o lea tāofi, 'auā e 'avatu le gagana fa'aperetania i Samoa, 'ua leva ona atamamai ma popoto tagata Samoa e fai lo latou soifua ma lo latou lalolagi. 'Ua leva fo'i ona fa'avasega lelei mea 'uma o lona lalolagi i lana lava gagana. Fa'ata'ita'iga, 'a tatou manatu i le maopoopo o le fa'amatai ma le fa'asamoa, e le'i fafauina i se gagana 'ese; e le'i fafauina i le gagana fa'aperetania - e leai. Na fafau lava ma lona mausali i le gagana Samoa mai lava i le 'amataga o le lalolagi o tagata Samoa. 'O le mea lea, 'aua le fa'atamala i le gagana Samoa, 'aua 'o le meaalofa a le Atua mo tagata Samoa.